Acer kwangsiense Fang & Fang f.

Ab A. liquidambari folio Hu et Cheng Yunnanensi quocum affine videtur foliis basi cordatis, lobis acuminatis, samaris majoribus differt; etiam propinqua A. tonkinensi H. Lecomte Vietnamensi (Indo-chinensi) , a quo foliis oblongis, basi cordatis, lobis acuminatis, alis samararum horizontaliter divergentibus abhorret.

Arbor 8 m alta, cortice laevi, cinereo-brunneo. Ramuli glabri, hornotini purpurascenti, annotini pallide brunnei vel cinereo-brunnei. Folia chartacea, ambitu circiter oblonga, 10-17 cm longa et 7-11 cm lata, basi cordata, saepe 3-lobata, rarissime lobis basalibus 2 additis instructa, lobis leviter triangularibus, acuminatis, marginibus integris, sinubus inter lobos acutis, supra atro-viridia, glabra, subtus pallide viridia, glabra, axillis nervorum flavescenti-barbatis exceptis ; costae primariae 3, supra conspicuae, subtus elevaae, nervis lateralibus utrinque 4-7 supra conspicuis, subtus leviter elevatis, venulis utrinque reticulatis ; Petioli virides, supra leviter canaliculati, subtus rotundati, 3-3.5 cm longi. Flores ignoti. Panicula fructifera 7-8 cm longa, pedunculo 2-2.5 cm longo; Fructus imaturus purpurascens, mox flavescens ; nuculae subglobosae, 8 mm diametro, alis falcatis, 1 cm latis, nuculo incluso 2.5 cm longis, horizontaliter divergentibus ; pedicelli 5 mm longi, graciles, glabri.